“Cəbhədə vəziyyət dalana dirənib” – Ukrayna kəşfiyyatı

“Ukraynada döyüş əməliyyatları dalana dirənib”.

“Qafqazinfo” xəbər verir ki, bunu BBC-yə açıqlamasında Ukrayna Müdafiə Nazirliyinin Baş kəşfiyyat idarəsinin rəhbəri Kirill Budanov deyib.

Onun sözlərinə görə, müharibədə vəziyyətdə yenilik baş vermir.

Budanov qeyd edib ki, Rusiya çox böyük itkilər verərək hazırda “tamamilə dalana dirənib”. Onun fikrincə, Kreml ölkədə daha bir səfərbərlik elan etməyə qərar verib.

O bildirib ki, Ukrayna Silahlı Qüvvələri də bir çox vilayətdə irəliyə doğru hərəkət etmək üçün əvvəlkitək resurslara ehtiyac duyur.

“Biz onlara bütün istiqamətlərdə kompleks şəkildə qalib gələ bilmərik. Onlar da bizə həmçinin. Biz yeni silah partiyalarının göndərilməsini gözləyirik”, – deyə Budanov söyləyib.