SpaceX-in 54 Starlink peykini daşıyan Falcon-9 raketi Floridadakı Cape Canaveral Kosmik Qüvvələri bazasından uğurla orbitə buraxılıb.
Medianews.az xəbər verir ki, ABŞ-lı iş adamı İlon Maska məxsus kosmik nəqliyyat şirkəti SpaceX orbitə daha 54 Starlink peyki göndərib. İnternet peykləri daşıyan Falcon-9 raketi yerli vaxtla saat 04:35-də Floridadakı Cape Canaveral Kosmik Qüvvələri bazasından uğurla buraxılıb.
Qeyd edilib ki, Falcon-9-un birinci pilləli gücləndiricisi buraxıldıqdan sonra okean səthindəki “pilotsuz platforma”ya enəcək. Aldığı yeni lisenziya ilə müxtəlif orbitlərə peyk göndərmə icazəsi əldə edən SpaceX-in yeni buraxılan peyklər sayəsində abunəçi sıxlığının olduğu bölgələrə daha sürətli internet çıxışı təmin edəcəyi bildirilir.
Amerikalı milyarder İlon Maskın təsis etdiyi kosmik nəqliyyat şirkəti SpaceX-in tərkibinə Falcon 9, Falcon Heavy, Starlink, Dragon Cargo və Starship kimi kosmik gəmilər daxildir. Məlumdur ki, şirkət kosmik daşımaların xərclərini azaltmaq məqsədi ilə yaradılıb.