Medianews.az xarici mətbuata istinadla xəbər verir ki, Birləşmiş Millətlər Təşkilatının İnsan Haqları üzrə Ali Komissarlığı (OHCHR) Ukraynada fevralın 24-dən bu günə qədər davam edən müharibədə ümumilikdə 6884 mülki vətəndaşın həyatını itirdiyini və onlardan 429-nun uşaq olduğunu açıqlayıb.
OHCHR-nin dərc etdiyi hesabatda 10 aydır davam edən Ukrayna-Rusiya müharibəsində mülki vətəndaşların və itkilərin sayının çox olduğunu qeyd edib.
Hesabatda müharibə zamanı həlak olanların 2719-u kişi, 1832-si qadın, 429-u uşaq, 1904-ü isə cinsiyyəti müəyyən edilə bilməyən böyüklər olmaqla ümumilikdə 6884 nəfərin həyatını itirdiyi açıqlanıb:
“Qeyd edilmiş mülki itkilərin əksəriyyəti ağır artilleriya, çoxlüləli reaktiv yaylım atəşi sistemləri, raketlər və hava zərbələri də daxil olmaqla geniş ərazi effektinə malik partlayıcı silahların istifadəsi nəticəsində baş verib. OHCHR şiddətli döyüş bölgələrindən məlumat əldə etməyin çətin olduğunu və bir çox hesabat hələ də təsdiqini gözləyir. İnanır ki, real rəqəmlər kifayət qədər yüksəkdir”- deyə qeyd edib.
Mehin Mehmanqızı
Medianews.az