İstanbulda sosial mediada özünü investisiya məsləhətçisi kimi təqdim edən biri Nigeriya vətəndaşı olan 4 şübhəli barədə xəbər gündəm olub.
Medianews.az xəbər verir ki, şübhəlilər tərəfindən 3 milyon dollar məbləğində aldadılan amerikalı Lori Etta Taubun amerikalı film prodüseri olduğu üzə çıxıb.
Amerikada yaşayan Lori Etta sosial şəbəkədə Aleks Quin adlı biri ilə tanış olub. A.Quin özünü Lori Etta Tauba Türkiyədə yaşayan Amerika vətəndaşı kimi təqdim edib. İkisi arasında başlayan danışıqlar tezliklə yaxın münasibətə çevrilib.
Aleks Quin bir müddət sonra Lori Etta Tauba investisiya edə biləcəyi sahələrdə köməklik etməyə başlayıb. Lori Aleks Quin Etta Tauba göndərdiyi hesablara pul yatırsa, onu qısa müddətdə faizlə geri qaytaracağını deyib. Quinə güvəndiyi üçün onun məsləhəti ilə təxminən 3 milyon dollar sərmayə edən Lori Etta Taub bir müddət keçməsinə baxmayaraq pulunu geri ala bilməyib.
Vəziyyətdən şübhələnən Lori Etta Taub Türkiyəyə gəlib. Burada aldadıldığını öyrənən Lori Etta Taub prokurorluğa gedərək şikayət ərizəsi yazıb. Taubun Amerikalı film prodüseri olduğu öyrənilib. Taub şikayətindən sonra ölkəsinə qayıdıb.
Lori Etta Taubun şikayəti ilə başladılan istintaqda polis qrupları da şübhəlilərin müəyyən edilməsi üçün işə başlayıb.. Kiber Cinayətlərə Qarşı Mübarizə Şöbəsinin qrupları tərəfindən aparılan araşdırmalarda, Lori Etta Taubu aldatdıqları təsbit edilən biri nigeriyalı olan 4 şübhəlinin tutulması üçün əməliyyat keçirilib. Əməliyyatda 4 şübhəli nəzarətə alınarkən, evlərində aparılan axtarışlarda yüksək məbləğlərdə pul və çoxlu rəqəmsal materiallar ələ keçirilib.
Şübhəlilərin istintaqı davam etdirilir.
Medianews.az