Media
ABŞ-ın 2023-cü il müdafiə büdcəsini ehtiva edən və Nümayəndələr Palatasında qəbul edilən NDAA qanun layihəsində İraq hissəsindən 35 milyon 811 min dollar, Suriya hissəsindən isə 18 milyon 368 min dollar kəsilib.
ABŞ Nümayəndələr Palatası 858 milyard dollarlıq müdafiə büdcəsini ehtiva edən Milli Müdafiə Səlahiyyətləri Qanununu (NDAA) 80 əleyhinə 350 səslə qəbul edərək yekun səsvermə üçün Senata göndərib.
AA müxbirinin qanun layihəsinin 4000-dən çox səhifəsindən topladığı məlumata görə, mübarizə çərçivəsində PKK/YPG də daxil olmaqla ABŞ-lı ortaqlara verilməsi tələb edilən 541 milyon 692 min dollarlıq fondun 487 milyon 513 min dolları İraq və Suriyada DEAŞ -a qarşı təsdiqlənib. Layihədə bu fonda cəmi 15 milyon 413 min dollarlıq inflyasiya fərqinin əlavə olunduğu və ümumi məbləğin 502 milyon 926 min dollara çatdırılıb.
Layihəyə əlavə edilən cədvəldə İraq üçün tələb edilən 358 milyon 15 min dolların 35 milyon 811 min dollarının əsassız sayıldığı, 322 milyon 204 min dolların isə İraqa verilməsinin məqsədəuyğun olduğu qeyd edilib.
Cədvəldə həmçinin PKK/YPG-nin Suriyada da faydalanacağına dair tələbin 183 milyon 677 min dollarının 18 milyon 368 min dollarının əsassız sayıldığı və 165 milyon 309 min dollarının əməkdaşlıq da daxil olmaqla fəaliyyətlər üçün təsdiqləndiyi bildirilir.
Hərbi maaşların 4,6 faiz artırılmasını və Pentaqona qeyri-taktiki nəqliyyat vasitələrinin donanmasını sıfır emissiyalı avtomobillərə çevirməyi tələb edən qanun layihəsi 2027-ci ilə qədər Tayvana 10 milyard dollar hərbi yardım nəzərdə tutur.
Ukraynaya gəlincə, qanun layihəsi Ukraynaya Təhlükəsizliyə Yardım Təşəbbüsü kimi tanınan təşkilatı maliyyələşdirmək üçün 800 milyon dollar, ABŞ-ın Avropadakı hərbi əməliyyatlarını dəstəkləmək üçün isə 6 milyard dollar ayırır.
