“Rusiya və Azərbaycanın təklif etdiyi sülh sazişi mətnləri var”- Qriqoryan

“Sülh sazişinin üçün iki variant var – biri Rusiya tərəfindən təklif olunub, digəri isə üzərində işlədiyimiz mətndir”.

Medianews.az xəbər verir ki, bu fikirləri Ermənistan Təhlükəsizlik Şurasının katibi Armen Qriqoryan deyib. O əlavə edib ki, sülh sazişinin mətni dərc olunmayıb: “Yalnız iki mətn var, biri Rusiya, digəri Azərbaycan tərəfindən təklif olunub. Qərb bizə heç bir mətn təklif etməyib. Qərb danışıqlar üçün bir mühit yaratmağa çalışdı. Moskva da belə bir mühit yaratmağa çalışır. Hər iki tərəfdən aldığımız mesajlar sülhə nail olmaq üçün vacibdir. Ermənistan və Azərbaycan əsas benefisiarlardır və onlar bu istiqamətdə işləməyə çalışmalıdırlar”.

Qarabağla bağlı məsələyə toxunan katib deyib ki, bunun üçün daha irəli addım atılmasını təklif etdik: “Soçi görüşündən əvvəl biz açıq şəkildə təklif etdik ki, Rusiyanın təklif etdiyi paket Soçi bəyanatında xatırlansın. Lakin Soçi bəyanatında onun haqqında danışmadılar. Niyə? Bu barədə Rusiyadan soruşmaq daha düzgündür”.

Zəfər