Media
Çində 12 gündür dövrə vuran qoyun sürüsünün görüntüləri dünya rekordu qırarkən, müəmmalı hadisənin səbəbi ilə bağlı fərqli fikirlər də müzakirələrə səbəb olub.
Medianews.az xəbər verir ki, qoyunların bu sirli hərəkəti ilə bağlı diqqətçəkən fikir irəli sürülüb.
Çinin Baotou şəhərində çəkilmiş video bütün dünyada böyük əks-səda doğurub və qısa zamanda milyonlarla insan tərəfindən izlənilib. Fermada lentə alınan və sosial mediada yayılan videoda qoyun sürüsü 12 gün fasiləsiz dövrə vurub.
Yalnız soyadı açıqlanan fermer Miao əvvəlcə bir neçə qoyunun dövrə vurmağa başladığını, sonra isə bütün sürünün bu hərəkətə qoşulduğunu bildirib. Hər kəsi, xüsusən də çobanları şoka salan bu qəribə vəziyyətlə bağlı çoxlu fikirlər irəli sürülüb. Vəziyyətin bakterial xəstəlikdən qaynaqlandığı iddia edilsə də, heyvanların tamamilə sağlam olduğunun açıqlanması vəziyyətin sirrini daha da artırıb.
Bir çox mütəxəssislər qoyunların özlərini yırtıcılardan qorumaq üçün tez-tez birlikdə hərəkət etdiklərini və sürü psixologiyası kimi tanınan bu durumun əslində normal bir şey olduğunu bildiriblər.
Medianews.az
