Yəmənin Hudeydə şəhərində İranın dəstəklədiyi husilərin onlara etiraz edən qruplaşmaya atəş açması nəticəsində 2 nəfər ölüb, 3 nəfər yaralanıb.
Medianews.az Yəmənin rəsmi agentliyi SABA-ya istinadən xəbər verir ki, Hudeydə şəhərinin Bacil rayonunda bir qrup husilərin tarlalarını və fermalarını qarət etmələrinə etiraz edib.
Aksiyaya müdaxilə edən Husi milislərinin qrupa atəş açdığı hadisədə 2 mülki vətəndaş həlak olub, 3 nəfər yaralanıb.
Yəmənin İnformasiya, Mədəniyyət və Turizm naziri Müəmmər əl-İryani Twitter hesabından verdiyi açıqlamada husilərin dinc insanları “soyuqqanlılıqla” qətlə yetirdiyini bildirib və hücumu şiddətlə qınayıb.
Husilərin son həftələrdə Hudeydenin Əl-Fakih rayonunda vətəndaşlara da hücum etdiyini və onların tarlalarını qarət etdiyini ifadə edən İryani, Birləşmiş Millətlər (BMT) və beynəlxalq insan haqları təşkilatlarından husilərə sistemli hücumlarını dayandırmaq üçün təzyiq göstərmələrini istədiyini bildirdi.
Medianews.az