Türkiyəli professordan daha bir İLGİNC tövsiyyə: “Bunu yeyənlər 95 il yaşayır”

Yeməklərlə bağlı verdiyi məsləhətlərlə tez-tez gündəmdə olan məşhur türkiyəli professor Canan Karatay kəllə-paçadan sonra yeni sevimli yeməyinin açıqlayıb.

Medianews.az xəbər verir ki, kələm turşusu üçün “dünyanın ən gözəl yeməyi” deyən Karatay, bu məhsulu tez-tez istehlak edənlərin 95 yaşa qədər yaşaya biləcəyini iddia edib.

“Turşu kələm dünyanın ən əhəmiyyətli qidalarından biridir. Xərçəng xəstəliyinə tutulmağınızın qarşısını alır, ürək xəstəliklərindən qoruyur, Alzheimer xəstəliyindən qoruyur, qaraciyərinizdəki piyləri əridir və şəkərinizi tənzimləyir”,-deyə Canan Karatay bildirib.

Canan Karatayın duzlu kələm turşusu ilə bağlı daha bir iddiası da var. Həmin iddiaya görə, duzlu kələmdən tez-tez istifadə edənlər 95 yaşına qədər yaşayırlar. Təbii ki, heç bir tibbi sübutu olmayan bu durumun hər kəsə şamil olub-olmaması mübahisəli məsələdir.

Medianews.az