Media
“Biz vəziyyəti dəqiq qiymətləndirməliyik və illüziyalarla yaşamamalıyıq”.
Medianews.az xəbər verir ki, bu fikirləri Respublika Partiyasının icra orqanının üzvü Eduard Şarmazanov deyib.
Onun sözlərinə görə, indiyə qədər cəmiyyətin bir hissəsi Nikol Paşinyanın hakimiyyətinin hələ də nə isə edə biləcəyi illüziyalarını yaşayır: “Digər hissəsi isə təəccüblənir ki, hazırkı rejim dövlət maraqlarından irəli gəlməyən addımlar atır. Bunun əsası hələ 2018-ci ildə qoyulub. Həmin il Respublika Partiyası və Serj Sarkisyan bir səbəbə görə rədd edildi. Yəni, geosiyasi mərkəzlər müstəqil erməni amilini aradan qaldırmaq üçün keçmiş baş nazir Serj Sarkisyanı uzaqlaşdırdılar. Nikol Paşinyan Cənubi Qafqazda və regionda müstəqil erməni faktorunu ardıcıl olaraq aradan qaldırır. Bu gün rəsmi İrəvanın yürütdüyü siyasət istiqlal bəyannaməsinə ziddir”.
Eduard Şarmazanov qeyd edib ki, mövcud hakimiyyət Ermənistanı Qarabağsız, milli məsələlər olmadan təsəvvür edir: “Bu güc Ermənistanı bir alətə çevirib – Moskvadan Ankaraya, Ankaradan Vaşinqtona, Vaşinqtondan Brüsselə, Brüsseldən Tehrana, Tehrandan Dehliyə ötürülür. Nikol Paşinyan hakimiyyətə gəldiyi ilk gündən qırmızı xəttlərinin olmadığını deyirdi”.
O, yaranmış vəziyyətdə hərbi əməliyyatların yenidən başlanması riskinin olduğunu deyib: “Əminəm ki, Türkiyə və Azərbaycan son 100 il ərzində bir gün belə erməni amilinin aradan qaldırılması üçün düşünməkdən əl çəkməyiblər. Bugünkü antimilli, anti-dövlət hakimiyyəti şəraitində Türkiyə və Azərbaycan niyə daha çox istəməməlidirlər? Bu, müharibə təhlükəsi deyil, təslim olmaq və real məhv olmaq təhlükəsidir”.
Zəfər
