Media
Türkiyəli aktyor Kaan Yıldırım sevgilisi Pınar Dənizlə ayrılıq xəbərlərinə aydınlıq gətirib.
Axşam.az Türkiyə mətbuatına istinadən xəbər verir ki, şəxsi həyatı haqda tez-tez şaiyələr yayılan aktyor ilk dəfə sevgilisiylə yollarını ayırmasıyla bağlı yayılan xəbərlərə münasibət bildirib.
O, sosial şəbəkədə “Təxmini 3 ildir ki, barəmdə doğru olmayan bir çox xəbərlə üzləşdim, bəzən özümə yadlaşdığım oldu. Heç etmədiyim şeyləri etmiş kimi, yaşamadığım şeyleri yaşamışam kimi göstərildi. Bir insan olduğundan neçə fərqli görülə bilərsə, o qədər fərqli göstərildim. Hər xəbərdə mənə fərqli bir xarakter yüklədiniz. Mən həmişə susmağı seçdim, zaman hər şeyin doğrusunu göstərər dedim. Amma bu dəfə susmayacam. Ağlınıza gəldiyi kimi, ayrılıq xəbərləri yazıb münasibətimizi etibarsızlaşdırmağınıza icazə verməyəcəm. Biz özümüzə aid kiçik dünyamızda çox xoşbəxtik. Bizi rahat buraxın” deyə, paylaşım edib.
