Birləşmiş Millətlər Təşkilatının (BMT) baş katibinin humanitar məsələlər üzrə köməkçisi Martin Qriffits bildirib ki, ukraynalılar Rusiya tərəfindən törədilən müharibə və dağıntılar səbəbindən “çox əziyyət çəkiblər”.
O, BMT Təhlükəsizlik Şurasındakı bəyanatında Rusiyanın 24 fevralda başlatdığı müharibə səbəbiylə “artan ölümlər, köçkünlər və əzablara” diqqət çəkib.
Rusiyanın son hücumları səbəbiylə ukraynalıların qış aylarında işıqsız qaldığını və ölkədə su böhranı yaşandığını bildirən Qriffits, “Bu gün Ukraynada mülki əhalinin həyatda qalma imkanları hücuma məruz qalır”-deyib.
Qriffits vurğulayıb ki, bu “mənasız müharibə” və Rusiyanın infrastrukturlara hücumları səbəbindən ukraynalılar “çox zərər çəkib”.
Qışdan çıxmaq üçün ukraynalıların təcili yardıma ehtiyacı olduğunu vurğulayan Qriffiths, qlobal miqyasda humanitar yardıma ehtiyacı olan insanların sayının gələn il təxminən 24 faiz artaraq 339 milyona çata biləcəyini bildirib.
BMT-nin İnsan Haqları Bürosunun məlumatına görə, Ukraynadakı müharibə səbəbindən 14 milyondan çox insan məcburi köçkün vəziyyətinə düşüb. Bu insanların 7,8 milyonu Avropa ölkələrində olduğu halda, 6,5 milyonu ölkə daxilində köçməli olub.
Medianews.az