Twitteri satın alan iş adamı İlon Mask verdiyi açıqlamalarla gündəmdən düşmür. Tvitterdəki söhbət otağında danışan Musk, “sui-qəsd” ola biləcəyini söyləyib.
Tvitter Spaces-də iki saatlıq sual-cavab tədbirinə qatılan Elon Mask, son günlərdə sui-qəsdə məruz qalma ehtimalının olduğunu deyib: “Ancaq tale mənə gülümsəyəcək”. Bu iddia 2020-ci il prezident seçkilərindən əvvəl ABŞ prezidenti Co Baydenin komandasının tələbi ilə Baydenin oğlu Hunter Bayden haqqında xəbərlərə senzura tətbiq etdiyini göstərən sənədlərin açıqlanmasından sonra ortaya çıxıb.
Tvitterdəki çıxışında ABŞ-ın keçmiş prezidenti Con Kennedinin öldürülməsini xatırladan Mask, “Mən heç vaxt açıq havada avtomobillə parad keçirməyəcəyəm, icazə verin, belə deyim” deyə bildirib. Daha sonra ölüm riski altında olduğunu deyən Mask sözünə belə davam edib: “Aydındır ki, mənim başıma pis bir şey gəlməsi və hətta vurulma riski kifayət qədər əhəmiyyətlidir. İstəyirsinizsə, birini öldürmək o qədər də çətin deyil, ona görə də ümid edirəm ki, onlar məni öldürməzlər və tale üzümə gülümsəyər.”