Hollivudun ən sevilən simalarından biri olan məşhur aktrisa Kirsti Alley 71 yaşında vəfat edib.
Medianews.az xəbər verir ki, övladları aktrisanın ölümünü təsdiqləyiblər.
Alleyin meneceri də onun ölüm xəbərinin həqiqəti əks etdirdiyini açıqlayıb.
Ailəsindən verilən açıqlamaya görə, Alley bu yaxınlarda xərçəng xəstəliyinə tutulub və Floridadakı Moffitt Xərçəng Mərkəzində müalicə alırmış.
Alleyin keçmiş əri, məşhur aktyor Parker Stivenson da aktrisanın ölüm xəbərindən məyus olduğunu bildirib. “Birlikdə keçirdiyimiz illər, iki heyrətamiz övladımız və nəvələrimiz üçün minnətdaram. Sənin üçün darıxacağıq”,-deyə Parker Stivenson paylaşım edib.
Qeyd edək ki, Kirsti Alley 1991-ci ildə “Cheers” serialındakı roluna görə həm Emmi, həm də Qızıl Qlobus mükafatı qazanıb və 1997-2000-ci illərdə NBC sitcom Veronica’s Closet filmində rol alıb.
Medianews.az