Media
Dünyaya ən qapalı ölkə kimi tanınan Şimali Koreyada 3 gəncin edam edilməsinin səbəbi məlum olub.
Medianews.az xəbər verir ki, onların yeganə günahı Cənubi Koreya istehsalı olan seriallara baxmaq olub.
Gənclərin edam edilməsinə səbəb olan ağlasığmaz ittiham hər kəsi şoka salıb.
Cənubi Koreyada nəşr olunan “Chosun Ilbo” qəzetinin xəbərinə görə, Şimali Koreyada 3 orta məktəb şagirdi oktyabrın əvvəlində qonşu Cənubi Koreya ölkəsinin seriallarına baxdıqları üçün edam edilib. Şimali Koreyada 2020-ci ilin dekabrında qüvvəyə minmiş yeni qanunda qeyd olunur ki, Cənubi Koreyaya aid görüntülər izləmək cinayət sayılır. Əvvəllər bu qanunun azyaşlılara şamil edilmədiyi bildirilsə də, məlum olub ki, cəza artıq gəncləri də əhatə edir.
Edamın icrası dünya mətbuatında böyük reaksiya ilə qarşılanıb.
Qeyd edək ki, Şimali Koreya vətəndaşlarının bir çoxu Cənubi Koreya serialları və musiqiləri ilə maraqlanırlar. “Unification Media Group”un sorğusuna əsasən, respondentlərin 96 faizi “Squid Game” və “Crash Landing on You” kimi məşhur Cənubi Koreya seialllarına baxıb.
Medianews.az
