Media
Dünyanın gözü və qulağı Ukraynadan gələn xəbərlərdədir. Ölkədə müharibə tam sürətlə davam edərkən, Rusiyanın Ukraynadakı hədəfləri vurmaq üçün istifadə etdiyi baza hücuma məruz qalıb.
Medianews.az xəbər verir ki, Rusiya prezidenti Vladimir Putinin göstərişi ilə başlayan müharibə tam sürətlə davam edir.
Müharibənin ilk günlərindən Kiyevi hədəfə alan, lakin həftələrlə davam edən mühasirəyə baxmayaraq şəhəri ala bilməyən Rusiya hədəfini şərqə çevirdi.
Bir müddət müdafiə mövqeyində olan rusların Xersondan çəkilməsi ilə müharibə yeni mərhələyə qədəm qoyarkən, Rusiya Ukraynaya raket və hava zərbələri endirməklə, quruda itkilərini kompensasiya etməyə çalışır.
İngilis Daily Mail qəzetində yer alan xəbərə görə ‘Engels-2’ adlı pilotsuz hava vasitəsi ilə hücuma məruz qalıb.
Hücumla bağlı Ukraynadan hələlik rəsmi açıqlama verilməyib. Partlayışlar nəticəsində 2 Tu-95 bombardmançısının zədələndiyi bildirilir.
ABŞ-ın Birləşmiş Qərargah Rəisləri Komitəsinin Baş Qərargah rəisi general Mayk Milley Ukraynadakı müharibədə təxminən 100 min rus və 100 min Ukrayna əsgərinin öldüyünü və ya yaralandığını təxmin etdiklərini açıqlayıb.
General Milley Rusiyanın Ukraynaya müdaxiləsində 40 minə yaxın dinc sakinin həyatını itirdiyini qiymətləndirdiklərini söyləyib.
Medianews.az
