Media
“Fransa və ABŞ hazırda Ermənistanı dəstəkləyir, lakin ölkəni hansı sərhədlərdə daxilində gördükləri və Qarabağ üçün hansı taleyi planlaşdırdıqları bəlli deyil”.
Medianews.az xəbər verir ki, bu fikirləri Ermənistanın sabiq Baş naziri Qrant Baqratyan deyib: “Onlara qalsa, Artsaxın harada olacağı bəlli deyil? Ermənistan hansı sərhədlərdə olacaq, Zəngəzur Ermənistanın bir hissəsi olacaqmı, yoxsa yox?
Qəbul edilmiş qətnaməyə görə, şübhəsiz ki, Fransaya çox minnətdarıq. Lakin bu gözəl jest Fransanın erməni seçicilərinin Makrona rəğbətini gücləndirməkdən başqa bir şey deyil”.
Sabiq baş nazir vurğulayıb ki, bu yüksək səviyyəli bəyanatların müqabilində Ermənistandan nə gözlənildiyi anlaşılmır. O, təəssüflə qeyd edib ki, Ermənistanda sadə həqiqətlərin anlaşılması yoxdur: “Türkiyə Qərbin razılığı ilə “Böyük Turan” layihəsini həyata keçirir. Layihənin həyata keçirilməsində yeganə maneə Ermənistandır və ən azından Zəngəzurdan imtina edirlməlidir”.
Onun sözlərinə görə, Qərbin bəyanatları ilə əsassız ruh yüksəkliyi fonunda Ermənistanda anti-Rusiya əhval-ruhiyyəsinin artırılmasına yönəlmiş hərəkətlər müşahidə olunmağa başlayıb: “Qərbyönümlü siyasi qüvvələr çox populyar olmasa da, onların bir neçə aksiyası bunu sübut edir. Ancaq bu qüvvələrin nümayəndələri yalnız Rusiyanı və KTMT-ni tənqid etmirlər, eyni insanlar mütəmadi olaraq Ermənistanın Baş naziri ilə görüşürlər. Təbii ki, Rusiyada bunu fərqindədirlər.
Rusiyanı düşmənə çevirsək, o, regionda bütün məsələləri Azərbaycan və Türkiyə vasitəsilə onların xeyrinə həll edəcək. Onlar, məsələn, dəhlizə və ya bütün Zəngəzura nəzarət kimi zəmanətli üstünlüklər əldə edəcəklər. Yəni, Rusiya Ermənistanın parçalanması layihəsinə qoşulmağa məcburdur”, – deyə o bildirib.
Zəfər
