22 yaşlı gənc qadının dəhşətli sonu – Döyüldükdən sonra maşınla üstündən keçdilər

Türkiyədə 22 yaşlı qadın dəhşətli şəkildə qətlə yetirilib.

Medianews.az xəbər verir ki, hadisə Türkiyənin paytaxtı Ankarada baş verib.

İki uşaq anası olan qadının döyüldükdən sonra maşınla üstündən keçdiyi təxmin edilir.

Gənc qadının meyiti saat 03:00 radələrində Poladlı rayonu Şeyhalı məhəlləsində yol kənarında tapılıb. Əldə edilən məlumata görə, hərəkətsiz vəziyyətdə uzanan qadını görən ətrafdakı vətəndaşlar polisə zəng edərək kömək istəyiblər. Hadisə yerinə gələn polis və sağlamlıq qrupları apardıqları müayinədə qadının öldüyünü müəyyən edib.

Jandarma qrupları tərəfindən aparılan araşdırma zamanı ölən qadının 2 uşaq anası 22 yaşlı Tülay Güçlüevin olduğu müəyyən edilib. İlk tapıntılara görə döyüldükdən sonra avtomobilin üzərinə sürülərək öldürüldüyü ehtimal edilən qadının cəsədi yarılma üçün Polatlı Dövlət Xəstəxanasının morquna  aparılıb.

Gənc qadının ölüm səbəbi ekspertizadan sonra müəyyənləşəcək. Jandarma qrupları hadisə ilə əlaqədar 2 nəfərin nəzarətə alındığını açıqlayıb.

Medianews.az