Dağıstanda Xəzər sahilllərində tapılan ölü suitilərin sayı 1700-ə çatıb.
BAKU.WS-in TASS-a istinadla məlumatına görə, bu barədə Xəzərin Ekoloji Mühafizəsi Mərkəzinin rəhbəri Zaur Qapizov məlumat verib.
Onun sözlərinə görə, tapılan ölü suitilərin sayı daha çox ola bilər.
Z. Qapizov bildirib ki, heyvanlar fırtına nəticəsində həlak olublar.
“Torlarda və ya dəriləri soyulmuş suitilərə rast gəlinməyib. Tamamilə bütöv cəmdəklərdir və onların artıq iki həftədir ki, öldükləri müəyyən olunub”, – deyə Mərkəz rəhbəri qeyd edib.
O, xatırladıb ki, bütün lazımi nümunələr götürülüb.