“Fransa parlamentinin bu yaxınlarda qəbul etdiyi qətnamə sadəcə gözəl jestdir. Bu olduqca əhəmiyyətə malikdir, amma başqa bir şey yoxdur”.
Medianews.az xəbər verir ki, bu fikirləri siyasi elmlər doktoru Artur Xaçikyan bildirib.
Politoloq əmindir ki, bu qərar heç bir real dəyişikliyə gətirib çıxarmayacaq: “Çünki Fransa Xarici İşlər Nazirliyi artıq müvafiq bəyanatla çıxış edib. Xüsusilə Fransa hökumətinin bitərəf olduğunu açıq şəkildə bildirib. Yəni, Fransa senatının qəbul etdiyi qətnamə bu dövlətin real siyasətini əks etdirmir.
Fransa neytral mövqe tutdu və münaqişə tərəflərini sülhə səslədi. Biz yenə də gülüş obyekti olduq. Biz yenə sadəlövhlük göstərdik. Biz ümumiyyətlə çox sadəlövh bir xalqıq. Çünki real addımlar və mənəvi “qələbələr” arasındakı fərqi anlamaq istəmirik”.
Ekspert qeyd edib ki, Avropa İttifaqında Azərbaycan kapitalı var: “Üstəlik, Fransa və digər Avropa ölkələri Azərbaycan qazından və neftindən asılıdır.
Fransa hər şeyi qəbul edib tərəfimizə keçsə belə, Avropa onu dəstəkləməyəcək. Böyük Britaniya Azərbaycanı qələbə münasibətilə təbrik edib. Onlar Ermənistana deyil, Ukraynaya silah verməyə hazırdılar. Təəssüf ki, Fransa bizi silahla təmin etməyə də hazır deyil”.
Zəfər