Media
“Uşağım eşidir, amma danışmır?, “Uşağım hər şeyi başa düşür amma danışmır?”. Mütəmadi olaraq valideynlər azyaşlı körpələri ilə bağlı bu kimi fikirlər səsləndirirlər. Bəs görəsən buna səbəb nədir?
Mövzu ilə bağlı Amerika Beynəlxalq Nevrorequlyasiya və tədqiqatlar Dərnəyinin Üzvü, Azərbaycan təmsilçisi, klinik psixoloq Narınc Rüstəmova danışdı. Qeyd etdi ki, ana südü az içmiş uşaqlarda “Nitq Ləngiməsi” daha çox özünü göstərir:
“Övladlarımız hər şeyi eşidir, yoldan keçən maşınları, cizgi filminin səsini və ya yatanda adi səs belə çıxartsaq eşidib tez oyanır… Amma biz övladlarımıza deyəndəki, “apar bu pultu ver ataya və ya nənədən get pulu al” bu şəkildə komandalar verdikdə çox rahatlıqla edə bilir. Nənənin kim olduğunu bilir, bizim ondan nə istədiyimizi də aydın edə bilir.
Aparılan araşdırmalar onu göstərirki, ana südü az içmiş uşaqlarda “Nitq Ləngiməsi” daha çox özünü göstərir. Ana südü içən uşaqlarda yanaq əzələləri, nəfəs, dodaq, çənə altı əzələlər və dil burada aktiv rol oynayır. Və bu əzlələlərinin təbii şəkildə aktivləşdirməsidir ki, uşağın nitq aparatı yavaş-yavaş oyanmağa və nitqə hazırlaşmağa başlayır”.
Medianews.az
