“Ermənistan hakimiyyəti “çörək və tamaşa” prinsipi ilə işləyir ki, ölkədə reallıqda baş verənlərə ictimaiyyətin reaksiyası olmasın”.
Medianews.az xəbər verir ki, bunu siyasi texnoloq Tiqran Koçaryan deyib.
Onun sözlərinə görə, Ermənistanda iki paralel reallıq formalaşıb: “Hərbi qulluqçuların və sıravi vətəndaşların acınacaqlı vəziyyəti barədə xəbərlər daim eşidilir. Digər tərəfdən isə Yeni ilin qeyd olunmasına və uşaqların “Eurovision” mahnı müsabiqəsinin keçirilməsinə hazırlıq işləri sürətlə gedir, iqtisadi artım haqqında məlumatlar təqdim olunur”.
“Nələr müşahidə edilir diqqət yetirin. Müxtəlif ulduzların ziyarətləri, tamaşalar, konsertlər, festivallar. Məsələn aydın deyil ki, niyə milad ağacını vaxtından əvvəl bəzəməyə qərar veriblər. Noyabrın 28-dən milad ağacını bəzəməyə başladılar və elə həmin gün Azərbaycan 13 hərbçinin cəsədini təhvil verdi. Bu, mənim üçün ən dəhşətli oldu. Nəzəri baxımdan bu etiraz dalğasına səbəb olmalı idi, amma təəssüf ki, olmadı”, – deyə siyasi texnoloq bildirib.
O qeyd edib ki, Ermənistan hökumətinin üzvləri açıq şəkildə yalan danışır və şişirdilmiş rəqəmləri təqdim edir: “İnsanları vədlərlə bəsləyirlər və bütün bunlar hakimiyyəti saxlamaq üçün edilir. Vəziyyəti ayıq-sayıq qiymətləndirmək qabiliyyəti azalır, nəticədə insanlar etiraz və dəyişiklik tələbi ilə küçələrə çıxmırlar”.
Zəfər