Bütün dünyanın diqqət mərkəzində olan Rusiya-Ukrayna müharibəsi ilə bağlı yeni iddia ortaya atılıb.
Medianews.az xəbər verir ki, Ukrayna prezidenti Zelenskinin həyat yoldaşı Yelena Zelenskayanın verdiyi açıqlamalar gündəm olub.
Yelena Zelenskaya rus əsgərlərinin ölkəsinə hücumu zamanı sistemli şəkildə cinsi zorakılıq tətbiq etdiyini söyləyib. O, rus əsgərlərinin həyat yoldaşlarının ukraynalı qadınları zorlamağa təşviq etdiyini iddia edib.
“Onlar öz ərlərinə deyirlər ki, ukraynalı qadınları zorla, sadəcə bunu mənimlə paylaşma. Təcavüzlə bağlı cinayətlər təkcə zorakılıq və ya insanları təhdid etməklə bağlı deyil, bu, əslində onların arsenalındakı başqa bir silahdır. Buna görə də onları müharibə cinayətləri kimi tanımaq və bütün günahkarları məsuliyyətə cəlb etmək çox vacibdir. Cinsi cinayətlər sistematik şəkildə həyata keçirilir və bunu rus əsgərləri edir”, – deyə Zelenskaya bildirib.
Qeyd edək ki, Yelena Zelenskaya bu sözləri 70 ölkənin nümayəndəsinin qatıldığı “Münaqişələrdə Seksual Zorakılığın Qarşısının Alınması” konfransındakı çıxışı zamanı deyib.
Medianews.az