Media
“Balenciaga” moda evinin yeni reklam kampaniyası çərçivəsində uşaqların BDSM atributlu çantalarla görüntülənməsi sosial şəbəkələr və KİV-də böyük qalmaqala səbəb olub.
Brendi pedofiliyanı təbliğ etməkdə və uşaqların cinsi istismarında ittiham ediblər. Bundan sonra qalmaqallı reklam kampaniyasının kadrları “Balenciaga”nın rəsmi saytından, həmçinin sosial şəbəkə hesablarından silinib, brendin kreativ direktoru Demna Qvasaliya isə üzr istəyib və uşaqlar üzərində istənilən formada zorakılığı qınadığını bəyan edib.
“Qafqazinfo” xəbər verir ki, “Baleciaga” məsələ ilə bağlı rəsmi açıqlama yayıb.
Moda evi açıqlamasında bildirir ki, uşaq kampaniyasında BDSM ayı çantalarının yersiz istifadəsinə görə məsuliyyəti dərk edir, lakin uşaq pornosu ilə bağlı qalmaqallı sənədləri rədd edir. “Balenciaga” bildirir ki, çantalar çəkilişə üçüncü şəxs tərəfindən təqdim edilib və televiziya serialının meydançasından götürülüb.
“Balenciaga” bu cür yaradıcı layihələr üzərində iş prinsiplərini yenidən nəzərdən keçirəcəyini vəd edən və uşaqların qorunması problemlərini işıqlandırmağa kömək edən təşkilatlarla işləmək niyyətini bildirən çəkiliş dizaynının koordinasiyasına kifayət qədər diqqət yetirilmədiyini etiraf edir.
“New York Post” xəbər verir ki, brend “North Six Inc” prodüser kompaniyasını və qalmaqallı reklamda çəkilişə cavabdeh olan dizayner Nikolas de Jardeni məhkəməyə verəcək. Moda evi nüfuzuna xələl gətirildiyi üçün 25 milyon dollar təzminat tələb edir.
