Media
Tibb dilində dispepsiya kimi tanınan yeməkdən sonra həzmsizlik bir çox insanın yaşadığı problemlərdən biridir.
Medianews.az mediaya istinadən xəbər verir ki, Bu cür həzm problemi olan xəstələr adətən narahatlıq, qusma, qaz, ürəkbulanma və kramp kimi simptomlarla qarşılaşırlar. Həzmsizlik problemi öz başına bir xəstəlik deyil, müxtəlif səbəblərdən meydana gələn mədə və bağırsaq narahatlığı ilə bağlı bir qrup əlamətə verilən ümumi addır. Yəni həzmsizlik xəstəlik deyil, müxtəlif simptom qruplarına verilən ümumi addır.
Mədə ağrısı, qarın krampları, həddindən artıq dolğunluq hissi, yuxarı qarın bölgəsində şişkinlik, erkən doyma, ağızdan qaz, ürək yanması, reflü, bulantı və qusma.
Həzmsizliyin müalicəsi üçün lazım olan ən əhəmiyyətli nöqtə planlı bir pəhrizdir. Bu problem ilə mübarizə aparan insan az və çox tez-tez yemək yeməyi vərdiş halına gətirməlidir.
Ümumiyyətlə, yaxşı olar ki, hərbir insan aşağıdakı şərtlərə əməl etsin.
Daimi və sağlam pəhriz
Meyvə, tərəvəz və lifli qidaların istehlakının artırılması
Yeməyi düzgün çeynəmək
Müntəzəm gəzinti
Siqaret və spirt istehlakının azaldılması
Çay və qəhvə istehlakını məhdudlaşdırmaq
Həddindən artıq sıx geyimlərdən qaçınmaq
Düzgün qidalanma, idman məşğul olmaqla yanaşı şikayətlər davam edərsə, əsas orqanik və ya fiziki problem ola bilər (məsələn, mədə çıxışı/pilor stenozu). Bu simptomlar davam edərsə, mütləq qastroenteroloqa müraciət etməlisiniz.
Ayşən Azadova
Medianews.az
