Myanmanın Arakan ştatında yaşayan Rohinca adlanan müsəlmanları Myanmada hərbi idarə ilə Buddist Arakan Ordusu arasında qalıb.
Myanmada yaşayan Rohinca müsəlmanları hərbi idarə ilə Buddist ordusu arasında qalıb və üzləşdikləri zorakılıqlara görə etnik təmizləmə əməliyyatları ilə qarşılaşırlar.
Myanmanın əsasən müsəlmanların yaşadığı Arakan əyalətində ordunun mülki insanlara qarşı zorakılıq və təzyiqlərinə görə Rohinca Müsəlmanları Birləşmiş Millətlər Təşkilatı (BMT) tərəfindən “dünyanın ən çox zülmə məruz qalan insanları” olaraq qəbul edilib.
BMT və beynəlxalq insan haqları təşkilatları Rohincaya qarşı zorakılığı “etnik təmizləmə” və ya “soyqırım” adlandırıblar.
Rohinca müsəlmanlarının hüquq müdafiəçiləri Muhammed Refik və Nay San Lwin, Myanmada 1 fevral hərbi çevrilişindən sonra ordu ilə bölgədə silahlı əməliyyatlar həyata keçirən Buddist Arakan Ordusu təşkilatı arasında qalan Rohinca müsəlmanlarının məruz qaldıqları hüquq pozuntularını qiymətləndirib.
Arakan cəmiyyətinə edilənlərin yeni tətbiqlər olmadığını ifadə edən Refik insan hüquqlarının pozulması ilə yanaşı, öz ölkəsində və qonşu ölkələrdə Rohinca müsəlmanlarının kökünü kəsmək və onları vətəndaşlıqsız etmək üçün çoxsaylı hərbi kampaniyalar həyata keçirildiyini deyib:
“Onları “ən çox təqib olunanlar” adlandırmaq problemləri həll etmir. BMT bu məsələdə uğursuzluğa düçar olub. Zalımların kar qulağına çatan bir neçə “narahatlıq” istisna olmaqla, ədalət bu cəmiyyətə çatdırılmayıb”.
1982-ci ildə qəbul edilən vətəndaşlıq qanunu ilə Rohinca müsəlmanlarının vətəndaşlıq hüququ onlardan alınıb.
Rohinca müsəlmanlarının hələ də Myanmada vətəndaşlıqdan çıxarılan “ən böyük və yeganə müsəlman icması” olduğunu qeyd edən Refik 1962-ci ildən bəri ardıcıl hökumətlərin siyasətlərindən biri də Rohinca müsəlmanlarına vətəndaşlıq verməkdən imtina etmələri olduğunu bildirib.
Medianews.az