Media
“Ermənistan öz təhlükəsizlik sistemini yenidən yaratmalıdır”.
Medianews.az xəbər verir ki, bu fikirləri Nevada Universitetinin siyasi elmlər professoru Nerses Kopalyan deyib.
Onun sözlərinə görə, hazırda regionda qüvvələr balansı Azərbaycanın xeyrinə çox dəyişib: “Əslində müharibəyə qədər mövcud olan Ermənistanın təhlükəsizlik sistemi dağılıb. Bu fonda Ermənistan öz təhlükəsizlik sistemini bərpa etməyin yollarını tapmalıdır. Eyni zamanda son 30 ildə düşmüş olduğu tələyə düşməməyə çalışmalıdır. Tələdən danışarkən, mən digər ölkələrdən asılılığı nəzərdə tuturam”.
Kopalyan Rusiyanın təhlükəsizlik qarantı kimi digər ölkələrlə – Fransa və ya İranla əvəzlənməsi ilə bağlı müzakirələri səhv addım hesab edib. Bu yanaşma özü səhvdir, təhlükəsizlik asılılığı olmamalıdır: “Əminəm ki, yeni təhlükəsizlik sistemi qurularkən komponentlərdən biri kimi Ermənistanın maraqlarının lobbiçiliyi və Azərbaycan təbliğatına qarşı hibrid potensialın inkişafı olmalıdır. Bu məsələdə erməni diasporu böyük töhfə verə bilər.
Bundan əlavə, Ermənistan öz təhlükəsizliyini təmin etmək üçün “özünüqoruyan kirpi” hərbi taktikasını fəal şəkildə tətbiq etməlidir ki, bu da çəkindirici amil olacaq. Dünyada bu taktikasının müxtəlif modelləri istifadə olunur. Lakin Ermənistan bölgədəki vəziyyəti nəzərə alaraq ən münasib modelini seçməlidir. Bununla paralel olaraq, öz diplomatik imkanlarını da artırmalıdır. Bütün bunlar birlikdə düşdüyümüz bataqlıqdan çıxmağımıza imkan verəcək”.
Zəfər
