Rusiyanın Sankt-Peterburq şəhərində dəhşətli qətl hadisəsi baş verib.
Medianews.az xəbər verir ki, şəhərin mərkəzindəki mənzillərdən birində 27 yaşlı qızın meyiti tapılıb.
Rusiya İstintaq Komitəsinin sədri Aleksandr Bastrıkin meyitin mənzildə tikinti tullantıları arasında tapıldığını bildirib. Komitə sədri meyitin mənzilin sahibi Yulianaya aid olduğunu qeyd edib. İstintaq Komitəsinin rəhbəri 27 yaşlı qızın qətli ilə bağlı işi nəzarətə götürdüyün də açıqlayıb.
Məlumata görə, qızı mənzildə təmir işləri aparan 41 yaşlı inşaatçı öldürüb. Belə ki, Yuliana adlı gənc qız Studençeskaya küçəsindəki mənzilində təmir işləri aparmaq üçün evə işçi götürüb. Noyabrın 23-də qız təmirin necə getdiyini yoxlamaq üçün mənzilə gedib və bundan sonra mənzili tərk etməyib.
Hüquq-mühafizə orqanlarının əməkdaşları mənzilə baxış keçirib və otaqlardan birinin küncündə tikinti tullantıları torbalarının arasında boynuna məftil dolanmış qızın meyitini aşkar ediblər.
Şübhəli şəxs hadisədən bir neçə gün sonra saxlanılıb. O saxlanıldıqdan sonra törətdiyi cinayəti etiraf edib.
Medianews.az