Qeyri Hökumət Təşkilatlarına Dövlət Dəstəyi Agentliyinin maliyyə dəstəyi ilə “Qayıdış ” İctimai Birliyinin layihəsi əsasında çəkilən “Qızıl gülə batasan” adlı qısametrajlı bədii filminin təqdimat mərasimi İmişli şəhər 7 Saylı orta məktəbdə gerçəkləşib.
İmişli rayon İcra Hakimiyyətinin şöbə müdiri Rahim Zahidov, Rayon Təhsil sektorunun müdiri Vahid Tağıyev, İmişli rayon Polis şöbəsinin əməkdaşı Cavanşir Bayramov, həkim Şahin Əliyev və Qayıdış İctimai Birliyinin sədri Hasil Tağıyev çıxış edərək narkomaniyanın insan həyatına gətirdiyi bəlalardan və dəhşətlərindən danışıblar.
Filmin ssenari muallifi Xaqani Əliyev əməkdaşımızla söhbətində filmin zamanın ən böyük bəlası olan narkotiklərə qarşı aparılan mübarizə işinə kömək etmək məqsədi ilə çəkildiyini bildirilib. Narkotiklǝrǝ aludə olmuş gənc ananın keçirdiyi istirablardan, öz hayatına qasd etməsindan və xeyirxah insanlar tərəfindən xilas edilməsindən bəhs edən film fəlakətə düçar olan insanlara əzablarla dolu, sonu faciəvi ölüm olan bu yol ilə getməməyə çağırır və filmin əsas məqsədi narkotiklərə qarşı insanlarda nifrət oyatmaqdır.
Tədbirin sonunda nümayiş olunan film tamaşaçılar tərəfindən alqışlarla qarşılanılıb.