Azərbaycanın Xalq artisti Vaqif Abutalıbov vəfat edib. Medianews.az xəbər verir ki, V.Abutalıbov dünən 73 yaşında dünyasını dəyişib. Qeyd edək ki, o, 16 yaşından truba ifaçısı kimi müxtəlif musiqi birliklərində çalışıb. V.Abutalıbov yaradıcılığa Tofiq Əhmədovun rəhbərlik etdiyi musiqi ansamblından başlayıb, sonra fəaliyyətini “Qaya” vokal-instrumental ansamblı ilə davam etdirib. Onun yaradıcılığının ən parlaq dövrü Rəşid Behbudovun rəhbərlik etdiyi ansamblın fəaliyyəti ilə bağlıdır. V.Abutalıbov dünyanın bir çox ölkələrində Azərbaycan musiqisini tanıtma missiyasına layiqincə xidmət edib. Qeyd edək ki, V.Abutalıbov Ulu öndər Heydər Əliyevin sərəncamı ilə Əməkdar artist və Xalq artisti fəxri adlarına layiq görülüb. Mərhum sentyabrın 17-də Yasamal qəbiristanlığında torpağa tapşırılacaq. Allah rəhmət eləsin!
23 sentyabr 2012-ci ildən fəaliyyətə başlayan Medianews.az saytı yaranışının 10 illiyinə yeni dizayn və yeni funksionallıqla xidmətinizdədir. Ümid edirik ki, etdiyimiz yeniliklər izləyicilərimizin zövqünə uyğun olacaq.
Hər zaman sizinlə Medianews.az ailəsi.