Tayvan səfəri ilə qalmaqal yaradan Pelosi indi Ermənistana gedir! “Hədəf Türkiyədir” iddiası

Ötən aylarda Tayvana səfəri ABŞ və Çin arasında böyük böhrana səbəb olan ABŞ Nümayəndələr Palatasının sədri Nensi Pelosi indi də Ermənistana gedəcək.

Medianews.az xəbər verir ki, səfərin Azərbaycanla Ermənistan arasında münaqişələrin qızışdığı bir vaxtda baş tutması diqqət çəkib.

Pelosinin bu səfərlə Azərbaycana dəstək verən Türkiyəyə mesaj vermək istədiyi barədə fikirlər səsləndirilir.

Pelosi Azərbaycanla ağır münaqişələr yaşayan Ermənistana bu həftə səfər edəcək. Mövzu ilə bağlı mənbələr Pelosinin bu həftə sonu Demokrat Partiyasından senator Ceki Şpeyerlə birlikdə Ermənistana səfər edəcəyini və Ermənistanın baş naziri Nikol Paşinyanla görüşəcəyini bildirib.

Maraqlıdır ki, səfər 2020-ci ildə Dağlıq Qarabağda döyüşən Azərbaycan-Ermənistan xəttində münaqişələrin başladığı dövrə təsadüf edib.

Qeyd edək ki, ötən gün Ermənistan Azərbaycanla yeni toqquşmalardan sonra atəşkəs elan olunduğunu açıqlasa da, Azərbaycanın Müdafiə Nazirliyi 71 Azərbaycan əsgərinin həyatını itirdiyini açıqlayıb. Ermənistanın baş naziri Paşinyan ötən gün 105 erməni əsgərinin öldüyünü bildirib.

ABŞ-dakı erməni lobbisi bu həftə ABŞ administrasiyasını Ermənistana dəstək verməyə çağırıb. Amerika Erməni İcmasının prezidenti Entoni Barsamian Azərbaycanın son münaqişədə beynəlxalq hüququ pozduğunu iddia edərək, “Ermənistan Ukrayna kimi eyni münasibəti görmür” deyib.

Almaniyada keçiriləcək G7 toplantısında iştirak edən Pelosi erməni əsilli amerikalı senator Şpeierlə İrəvana uçacaq. Pelosinin sözçüsü Drew Hammill təhlükəsizlik protokoluna görə səfərlə bağlı şərh verə bilməyəcəyini bildirib.

Medianews.az