Məhkəmə Gülşənin etirazını rədd etdi

Türkiyəli müğənni Gülşənin ev həbsi davam edəcək

Musavat.com xəbər verir ki, müğənni Gülşən Çolakoğlunun vəkilinin ev həbsinin götürülməsi üçün məhkəməyə göndərdiyi etiraz rədd edilib.

Müğənninin vəkili Emek Emre dünən İstanbul Ədliyyə Sarayına gedərək ev həbsi qərarının görürülməsi üçün ərizə verib. Vəkilin tələbi İstanbul Sülh Cəza Məhkəməsi tərəfindən baxılaraq rədd edilib və müğənninin yaşadığı yeri tərk etməmək, məhkəmə nəzarətində olmaq qərarının davam edilməsinə qərar verilib.

Qeyd edək ki, müğənni Gülşən Ataşehirdə konsert verdiyi zaman səhnədə gitaraçısına “İmam Hatipdə oxuyub, əxlaqsızlığı oradan gəlir”, demişdi. Müğənni xalqı kin və düşmənliyə təhrik etmə iddiası ilə saxlanılmışdı. Onun haqqında daha sonra ev dustaqlığı qərarı çıxarılmışdı.