Rusiyada yanğınlarla əlaqədar fövqəladə vəziyyət rejimi tətbiq edilib

Rusiyanın Nijni Novqorod vilayətinin qubernatoru Qleb Nikitin meşə yanğını ilə əlaqədar bölgədə fövqəladə vəziyyət elan edib.

APA xəbər verir ki, bu barədə o, “Telegram” kanalında yazıb.

Rayon rəhbəri vurğulayıb ki, fövqəladə vəziyyətin tətbiqi hadisənin aradan qaldırılması üçün əlavə qüvvə və vasitələrin işləyən insanların qida və su ilə təmin edilməsinə vəsaitin ən səmərəli şəkildə ayrılmasına imkan verəcək.

Nikitin qeyd edib ki, ərazi fövqəladə hallar sisteminin bütün mümkün qüvvələri tərəfindən nəzarətdədir. Tümendən hava-desant qoşunlarının cəlb edilməsi planlaşdırılır.