Qardaş Türkiyədə yaşayan, “Yüzüncü Yıl Universiteti” Gözəl Sənətlər Fakültəsinin 2-ci kurs tələbəsi, iki əli olmayan Vedat Kiyatın atası o hələ uşaq ikən şəhid olub. Atasını itirdikdən sonra rəsm çəkməyə başlayan Kiyat əsərləri sosial media hesablarında böyük diqqət çəkib.
Medianews.az xəbər verir ki, Karandaş və yağlı boya ilə portret, mənzərə, heyvan və təbiət şəkilləri çəkən Kiyat bir müddət sonra intensiv sifarişlər almağa başlayıb. 2 ildə 400 sifariş alan Kiyat, aralarında məşhur adların da olduğu portretlərin satışı ilə dolandığını bildirir.
Üç övlad atası olan Vedat Kiyat bildirib: “34 yaşım var və bu yaşa qədər özümü əlil kimi görməmişəm. Məncə, maneələr ürəkdədir. Mən heç vaxt fiziki qüsurlu insanlara, yəni mənim kimi insanlara əlil kimi baxmamışam. Mənim üçün heç bir maneə yoxdur.
Rəsm məni qaranlıqdan işığa apardı. Şəkil çəkəndə çox sevinirəm. Son 2 ildə 400 rəsm sifarişi almışam. İstəyirəm ki, məşhur insanlar gəlib məni görsünlər, çünki buna çox ehtiyacım var. Nə qədər çox görünsəm, sifarişləri bir o qədər çox olar. Mən, çəkdiyim rəsmləri sataraq dolanıram”.
Leyla, Medianews.az