Media
Misirin Qena şəhərindəki “South Valley” Universitetinin Elmlər fakültəsində təhsil alan tələbəsi Mübarək Hüseyn Sayed Abdel-Cəlil buraxılış imtahanlarını verdikdən sonra vəfat edib.
Medianews.az xəbər verir ki, imtahanlarını yaxşı verdiyi üçün sevinən gənc infarkt keçirib və dünyasını dəyişib.
22 yaşlı Mübarək Hüseyn Sayed Abdel-Cəlil universitetdən gələn məktubu açıb və imtahanlardan keçdiyini öyrənib. Lakin gənc zərfi açdıqdan sonra həddindən artıq həyəcandan ürəyini tutaraq yerə yıxılıb. Çaxnaşma içində olan ailəsi dərhal təcili yardıma məlumat versə də, xəstəxanaya çatdırılan Əbdül-Cəlili bütün müdaxilələrə baxmayaraq xilas etmək mümkün olmayıb.
Ailəsi övladının həmin an sevincinin hədsiz olduğunu və bunun da onun çox çalışdığı universiteti bitirməsi ilə bağlı olduğunu bildirib. Həkimlər də həmçinin yeniyetmənin ölüm səbəbinin “aşırı sevincdən yaranan həyəcan” olduğunu bildiriblər.
Medianews.az
