Media
Honq-Konqda Mirror qrupunun Honq Konq Kolizeyində verdiyi konsertdə bədbəxt hadisə baş verib.
Medianews.az xəbər verir ki, qrup üzvləri Anson Lo və Edan Lui onlarla rəqqas ilə səhnədə çıxış edərkən səhnənin üstündən asılan LED ekranlardan biri səhnəyə düşüb. Qəza nəticəsində iki rəqqas yaralanıb.
Yaralanan rəqqasların Kraliça Elizabet xəstəxanasına aparıldığı bildirilir.
Yerli mətbuatda gedən xəbərlərdə rəqqaslardan birinin səhhətinin ağır, digərinin səhhətinin stabil olduğu bildirilib. Polisin verdiyi açıqlamada qəzadan sonra 2 tamaşaçının şokda olduğu bildirilib.
Məlumata görə, qəza səbəbindən konsert yarımçıq qalıb və tamaşaçılardan konsert sahəsini tərk etmələri istənilib.
Leyla, Medianews.az
