Media
Amerikalı və kanadalı tanınmış aktyor Brendan Freyzer yeni filmində canlandıracağı rol üçün tanınmaz hala düşüb.
“Qafqazinfo” xarici mediaya istinadən xəbər verir ki, 53 yaşlı aktyor “The Whale” adlanan yeni filmdə Çarli obrazını canlandırmaq üçün 272 kiloqrama qədər çəkisini artırıb.
Freyzer sözügedən filmdə piylənmə ilə mübarizə aparan və 17 yaşlı qızı ilə münasibətlərini bərpa etməyə çalışan ata rolunu canlandıracaq.
Film avqustun 31-dən sentyabrın 10-na kimi keçiriləcək Venesiya Film Festivalında təqdim olunacaq.
Qeyd edək ki, Brendan Freyzer “Mumiya” və “Yerin mərkəzinə səyahət” filmləri ilə böyük populyarlıq qazanıb. Aktyor bir müddət əvvəl də çəkisinin artması ilə bağlı gündəmə gəlib.
