Media
Qida zəhərlənməsi bütün dünyada çox yayılmış bir xəstəlikdir. Qidalanma və Pəhriz Mütəxəssisi, türk həkim Dürdane Keskiner qida zəhərlənməsinin son 72 saat ərzində istehlak edilən hər hansı qidada mikroorqanizmdən qaynaqlandığını və qusma, ürəkbulanma, qarın ağrısı, sancılar və ishal kimi simptomların meydana gəldiyi bir xəstəlik olduğunu bildirib. Keskiner qida zəhərlənməsinə səbəb olan faktorların əsasən yüngül olduğunu, ancaq bəzi hallarda ağır və ya həyati təhlükə yarada biləcəyini vurğulayıb.
Medianews.az xəbər verir ki, Keskiner ən çox qida zəhərlənməsinə səbəb olan qidaları sıralayıb və bu qidaların necə istehlak edilməsi lazım olduğunu açıqlayıb:
1 – Yumurta
Qidalılığı yüksək olan yumurta çiy və ya az bişmiş halda istehlak edildikdə asanlıqla zəhərlənmə verə bilir. Bunun səbəbi yumurtanın həm qabığını, həm də içini yoluxdura bilən bakteriyaları daşıya bilməsidir. Bu səbəbdən qabıqları çatlamış və ya çirkli yumurtaları istehlak etməmək lazımdır. Mümkünsə, çiy və ya yüngül bişmiş yumurta tələb edən reseptlərdə pasterizə edilmiş yumurtalara üstünlük verin.
2 – Süd məhsulları
Qida istehsalçıları süd məhsullarını təhlükəsiz etmək üçün pasterizə edirlər. Pasterizasiya birbaşa heyvandan sağılan süddə zərərli bakteriyaları öldürür. Pasterizə olunmamış süd məhsullarının zəhərlənmə ehtimalı pasterizə olunmuşlardan 150 dəfə çoxdur. Bu səbəbdən də daha çox pPasterizə edilmiş süd məhsullarını seçin.
3 – Delikates məhsulları
Kolbasa, sasiska kimi delikates məhsulları qida zəhərlənməsi mənbəyi ola bilər. Onu da xatırlamaq lazımdır ki, bütün ətlər düzgün bişirilmədikdə və saxlanmadıqda qida zəhərlənməsi riski daşıyır. Bu səbəbdən ət məhsulları bişməzdən əvvəl yaxşı saxlanılmalı və bişdikdən dərhal sonra istehlak edilməlidir.
4 – Balıqlar
Düzgün temperaturda saxlanmayan balıqlar, bakteriyaların yaratdığı toksinlə çirklənir. Bu bakteriya normal bişirmə istiliyi ilə yox edilə bilmədiyi üçün bir növ qida zəhərlənməsinə səbəb olur. Bu səbəbdən məhsulları tanıdığınız təhlükəsiz yerlərdən alın və bu məhsulları bişirməzdən əvvəl soyuducuda və ya dondurucuda saxlayın.
5 – Yaxşı yuyulmuş yarpaqlı göyərti
Tərəvəz və yarpaqlı göyərti, xüsusilə çiy halda yaxşı yuyulmadan yeyildikdə qida zəhərlənməsinin ümumi mənbəyidir. Odur ki, zəhərlənmə riskinizi azaltmaq üçün tərəvəz və göyərtiləri qazlı suda isladın və yeməkdən əvvəl yaxşıca yuyun. Həmçinin, əvvəlcədən hazırlanmış və otaq temperaturunda saxlanılan salatları yeməkdən çəkinin.
6 – Yerdə yetişən meyvələr
Qovun və qarpız kimi üyüdülmüş meyvələr, qabıqlarında çoxalabilən bakteriyalara görə qida zəhərlənməsinə səbəb ola bilər. Təzə və dondurulmuş giləmeyvə, o cümlədən moruq, böyürtkən, çiyələk, qaragilə də qida zəhərlənməsinin ümumi mənbəyidir. Qovun və qarpız yeməkdən əvvəl qabığını yuyun, kəsilən kimi yeyin və ya soyuducuya qoyun. Soyuducuda saxlanmamış qablaşdırılmış meyvə salatlarından çəkinin.
Leyla, Medianews.az
