Media
İstanbulda 18 yaşlı yeniyetmə qonaq kimi getdiyi evdə uşaqlıq dostu olduğu deyilən 17 yaşlı gənc tərəfindən bıçaqlanıb.
Medianews.az xəbər verir ki, qanlar içində küçəyə qaçan qaçan gəncə orada işləyən qəssab yardım edib.
Yaralı gəncin “ölmək istəmirəm, məni xilas edin” deməsi də oradakı insanları həyəcanlandırıb.
Hadisənin təfərratı:
Evdə televizora baxan Atakan Ateşin arxasından yaxınlaşan gənc dostu naməlum səbəbdən onu boğazından bıçaqlayıb. Boğazından bıçaqlanan və qan içində olan Atakan Ateş binadan çıxaraq ətrafdakılardan kömək istəyib. Həmin vaxt orada işləyən qəssab Salihə Arslan bir küçədə qanlar içində dolaşan gəncin köməyinə qaçıb. Salihə Arslan iş önlüyünü çıxararaq Atakanın boğazına tampon qoyub.
Salihə Arslan
Ətrafdakılardan paltarlarını çıxarıb dəsmal gətirmələrini istəyən qadın Atakan Ateşin qanaxmasını dayandırmağa çalışıb. Salihə Arslan təxminən 15 dəqiqə müdaxilə edərək qanaxmanı dayandırmağı bacarıb. Bu arada o, yaralının huşunu itirməsinə mane olub. Qan itirən Atakan Ateş hadisə yerinə gələn təcili tibbi yardım maşını ilə xəstəxanaya aparılıb.
