Ukrayna müharibəsi tam sürətlə davam edir. Rusiya ordusunun şərqdə irəliləməsi davam edərkən, ordunun növbəti hədəfi bəlli olub.
Medianews.az xəbər verir ki, Rusiya prezidenti Putinin göstərişi ilə başlayan müharibə son vaxtlar Ukraynanın şərq bölgələrində daha da şiddətlənib. Demək olar ki, bütün gücü ilə bölgəyə hücum edən Rusiya daha bir kritik şəhəri, Ukraynanın ‘son qala’ olaraq təyin etdiyi Lisiçanski tutdu və Luqanskda nəzarəti ələ keçirdi.
Ukrayna ordusu bütün gücü ilə Donbasın ikinci hissəsi olan Donetski müdafiə etməyə çalışakən, İngiltərədən diqqətçəkən bir xəbər gəlib.
Britaniya Müdafiə Nazirliyi Rusiyayönlü separatçıların qüvvələrinin Siversk ətrafına daxil olması ilə bağlı iddialarının təsdiqlənmədiyini vurğulayıb. Kəşfiyyat hesabatında bildirilib ki, Siversk təhlükəsizliyindən sonra növbəti hədəf böyük ehtimalla Baxmut olacaq.
Xatırladaq ki, fevralın 24-də müharibə başlayanda şərq ərazilərinin üçdə ikisi Ukraynanın nəzarəti altında idi. Qalanları isə 2014-cü il müharibəsindən bəri rusiyapərəstlər tərəfindən birtərəfli qaydada elan edilib və Rusiya tərəfindən dəstəklənən kiçik muxtar vilayətlər kimi mövcud idi.
Leyla, Medianews.az