Respublikanın əməkdar artisti, aktyor Rəhman Rəhmanovun səhhəti və yaşayışı qənaətbəxş deyil.
Publika.az-a açıqlama verən əməkdar artist şəxsi evinin olmadığını, 15 kvadratlıq bir mənzildə yaşadığını deyib:
“Demək olar ki, 30 ildir zirzəmidə yaşayıram. Öz adıma ikiotaqlı ev var, amma o evdə 13 nəfər qeydiyyatdadır. Mən orada yaşamıram, övladlarım və nəvələrim yaşayırlar. Özüm isə yoldaşımın adına olan cəmi 15 kvadratlıq bir evdə qalıram. Çox əlverişsiz şəraitdə yaşayırıq. Özüm ağır şəkər xəstəsi, oğlum isə ruhi xəstədir. Mənə ev verilməsi üçün Cənab Prezidentə məktubla müraciət etmişəm. Ümid edirəm ki, bu məsələ tezliklə həllini tapacaq”.