Media
Türkiyənin paytaxtı Ankarada leysan yağışdan sonra sular altında qalan evində boğulan 20 yaşlı Busenur Doğanay son mənzilə yola salınıb.
Medianews.az xəbər verir ki, gənc qızın ölümü ilə bağlı ortaya çıxan detallar hər kəsi kədərləndirib.
Məlum olub ki, Busenur əmisi oğlunun toyunda iştirak etmək üçün anası ilə gözəllik salonuna gedəndə paltarını dəyişmək üçün evə qayıdarkən sel sularına düşüb.
4 mərtəbəli binanın birinci və aşağı mərtəbələrindəki mənzillər su ilə dolub. 1-ci mərtəbədə anası Figen Y. ilə yaşayan Busenur Doğanay su ilə dolan olan evində çarəsiz vəziyyətdə qalıb. Suyun səviyyəsi qalxdığı üçün dalğıclar Busenurun qaldığı evin qapısını aça bilməyiblər. Bunun üzərinə pəncərənin şüşəsi qırılaraq içəri daxil olub. Araşdırmalar nəticəsində Busenur Doğanayın cansız cəsədi tapılıb. Busenur Doğanayın binaya yamacdan daxil olan sel sularında boğularaq öldüyü öyrənilib.
Hadisə şahidi Filiz Ceylan Busenuru xilas etmək üçün çox çalışdıqlarını izah edib: “Hadisə yerinə qıaçdıq, qapını açmağa çalışdıq. Suyun səviyyəsi yarım metr idi. Daha sonra 1-ci mərtəbəyə qalxdı. Nə edəcəyimizi bilmədik. Busenurun yardım çağırışını eşidirdik. Qorxma biz burdayıq dedik, lakin o, sadəcə “kömək edin” deyə qışqırırdı. Çox təəssüf ki, onu xilas edə bilmədik”.
Busenur Doğanay üçün Əhməd Əfəndi məscidində dəfn mərasimi keçirilib. Mərasimə Ankara valisi Vasip Şahin, Keçiören Bələdiyyə Başçısı Turqut Altınok və çox sayda insan qatılıb.
Medianews.az
