Media
Türkiyədə polis böyük əməliyyat keçirib.
Medianews.az xəbər verir ki, “Dəmir yumruq” adlı əməliyyatda təşkilat lideri Erol Evcil saxlanılıb.
Sözügedən şəxsin evinə baxış zamanı külli miqdarda pul ələ keçirilib. Əməliyyat zamanı təşkilat liderinin 20 milyon dollarlıq ultra uzun mənzilli şəxsi təyyarəsi də ələ keçirilib.
Ankaranın 29 vilayətində dəmir-polad sənayesindəki şirkətləri sıradan çıxararaq monopoliyaya keçməyə çalışan və xarici şirkətlərindən haqsız qazanc əldə etdiyi üzə çıxan şəxslərə qarşı təşkil edilən “Dəmir yumruq” əməliyyatında saxlanılanların sayı 310 nəfərdir.
Əməliyyat çərçivəsində aparılan axtarışlar zamanı ümumi dəyəri 500 milyon lirə olan 4 TIR dolusu sənəd və nağd pul, xarici valyuta, qızıl-zinət əşyaları və çoxlu silah-sursat ələ keçirilib. Şirkətlərin 105 milyard lirəlik saxta hesab-fakturalarla xalqa 25 milyard lirə zərər vurduğu da müəyyən edilib.
İş yeri və yaşayış yerləri üçün istifadə edilən 261 daşınmaz əmlakın, 8 min 690 bank hesabı, dəstəyə aid 327 avtomobil və Erol Evcilə məxsus 20 milyon dollarlıq reaktiv təyyarənin ələ keçirildiyi bildirilib.
