Media
Azərbaycan Respublikası Prezidentinin Administrasiyasının təşkilatçılığı ilə 24 iyunda siyasi partiya təmsilçiəri, poitoloq və jurnalistlərin Zəngilana səfəri başlayıb.
Cebhe.info xəbər verir ki, səfərdə 40 siyasi partiyanın 46 nümayəndəsi təmsil olunub. Siyasilərlə yanaşı, 6 tanınmış politoloq, siyasi şərhçi və 19 jurnalist də səfərdə iştirak edir.
Sözügedən səfərin ilk ünvanı Cəbrayıl rayonu olacaq. Burada Azərbaycan Respublikasının Minatəmizləmə Agentliyi tərəfindən aparılan minatəmizləmə fəaliyyəti barədə geniş məlumat veriləcək. Düşmən tərəfindən basdırılmış minaların zərərsizləşdirilməsi prosesini izləmək fürsəti də yaradılacaq.
Həmçinin Füzuli-Zəngilan (Ağbənd) avtomobil yolunda sözügedən Agentlik tərəfindən görülən işlər barədə geniş məlumat təqdim olunacaq. Səfər iştirakçıları, eyni zamanda, sahələrdə aparılan minatəmizləmə əməliyyatlarında mexaniki minatəmizləmə maşınların işi ilə də tanış olacaqlar.
Daha sonra səfər iştiakçıları Zəngilanda icra olunan bərpa-quruculuq layihələri ilə yaxından tanış olacaqlar.
Xatırladaq ki, ölkənin demokratik məzmunlu siyasi dialoq təcrübəsini zənginləşdirən siyasi partiya rəhbərlərinin birgə səfərləri daha öncə Ağdam və Şuşa şəhərlərinə təşkil olunub. Belə ki, partiya rəhbərlərinin və politoloqların ilk birgə səfəri ötən ilin 17 mart tarixində Ağdam şəhərinə təşkil oluub. İkinci birgə səfər ötən ilin 7 oktyabr tarixində artıq Şuşa şəhərinə təşkil edilib.
Növbəti, artıq üçüncü dəfə ölkə siyasiləri “Şuşa Bəyannaməsi”nin birinci ildönümü münasibətilə cari ilin 15 iyun tarixində Şuşa şəhərində keçirilmiş “Azərbaycan-Türkiyə strateji müttəfiqlik münasibətləri Qafqaz və region üçün sülh və sabitlik mənbəyidir” adlı beynəlxalq konfransda iştirak etmək üçün birgə səfərə çıxıblar. Ölkənin siyasi tarixində ilk dəfə olaraq müxalif siyasi partiyalar iqtidar tərəfindən təşkil olunmuş rəsmi dövlət tədbirində iştirak ediblər.
Bügünkü səfər bu qəbildən sayca dördüncüdür.
