Mübahisə etdiyi şəxsi əvvəl bıçaqladı, daha sonra həyatını xilas etdi – ANBAAN VİDEO

Antalyada iki nəfər arasında pul məsələsi üstündə yaranan mübahisə bıçaqlı davaya çevrilib.

Medianews.az xəbər verir ki, Gürkan. T mübahisə etdiyi şəxsi bıçaqladıqdan sonra tampon düzəldib və təcili yardım gələnə qədər yaralının yanında gözləyib.

İddiaya görə, pul mübadiləsi səbəbilə uzun müddətdir mübahisə edən Əhməd Güner və Gürkan T. küçədə qarşılaşıblar. Burada mübahisə edən ikili bıçaqla bir-birinə hücum edib. Dava zamanı Əhməd Güner sol qoltuğundan bıçaqla yaralanıb. Hadisəni görənlər 112 Təcili Zəng Mərkəzinə vəziyyəti xəbər verib. Əraziyə polis və təcili yardım göndərilib.

Təcili yardım gələnə kimi Gürkan T. yaralı Əhməd Günerin yarasına tampon düzəldib və onun qanaxmasını durdurub. Hadisə yerinə gələn həkim briqadası Güneri təcili yardım maşını ilə Antalya Təhsil və Araşdırma Xəstəxanasına aparıb. Polis hadisə yerində gözləyən Gürkan T.-ni saxlayıb. Gürkan T.-nin sağ əlinin şəhadət barmağının da yaralandığı müəyyən edilib.

Medianews.az