İstanbulda bir evdə 20 yaşları olan iki gənc, Alper Balcı və Suna Tanrıkulu sinələrindən silahla vurulub.
Medianews.az xəbər verir ki, hadisə nəticəsində Alper Balcı həyatını itirib, Suna Tanrıkulu isə yaralı vəziyyətdə xəstəxanaya çatdırılıb.
Alper Balcı
İddiaya görə, kafedə ofisiant işləyən Alper Balcı keçmiş sevgilisi Suna Tanrıkulu ilə 16 iyunda evində görüşüb. Bir müddət sonra mənzildən iki güllə səsi eşidilib. İddiaya görə, Alper Balcı dostuna zəng edərək hadisə yerinə təcili şəkildə gəlməsini xahiş edib. Lakin dostu hadisə yerinə getmədən öncə təcili polisə və təcili yardıma xəbər verib.
Suna Tanrıkul
Hadisə yerinə gələn polislər 20 yaşlı hər iki gənci yaralı halda tapıblar. Hadisə yerində Alper Balcının öldüyü müəyyən edildikdən sonra, Suna Tanrıkul ağır xəsarətlə aparıldığı xəstəxanada nəzarət altına alınıb.
Hadisənin baş vermə səbəbi ilə bağlı qaranlıq məqamlar qalıb. Bunun intihar və ya qətl olduğu araşdırılır.
Medianews.az