Media
Bildiyimiz kimi quru sərhədlərimiz hələ də bağlı olaraq qalır. Vətəndaşlar da təyyarə biletlərinin qiymətlərinin bahalığından şikayətlənirlər. Artıq dərs ilinin də sonudur. Xaricdə təhsil alan tələbələrimiz ölkəmizə dönmək istəyirlər. Ən çox tələbəmiz də qardaş Türkiyədə təhsil alır. Quru sərhədləri bağlı olduğundan onların daha ucuz şəkildə vətənə dönmələri qeyri mümkündür. Belə olduğu halda tələbələr vətənə dönə bilmirlər. Bəs bunun qarşısını almaq üçün nə etmək lazımdır, qardaş ölkədə qalan tələbələrimiz ölkəyə necə gəlsinlər?
Mövzu barədə Medianews.az-a danışan mllət vəkili Razi Nurullayev bildirdi ki, bilet qiymətləri hər gün bahalaşdığı üçün quru sərhədlərin açılması zəruridir:
“Tələbələr vətənə necə dönsünlər? – sualını AZAL-ın prezidenti hörmətli Cahangir Əsgərova və Operativ qərargaha vermək lazımdır. Ancaq onlardan cavab almaq bir az müşkül məsələdir. Problem bundadır ki, məhz o gənclərin təyyarə bileti baha olduğundan quru sərhəddindən keçib avtobusla gəlmək istəyir. Bu onlar üçün çox vacibdir. İki ildən çoxdur ki, tələbələrimiz bu məsələdən əziyyət çəkirlər. AZAL-ın da qiymətləri həddindən artıq bahadır. Bilet qiymətləri də günü-gündən bahalaşır. O baxımdan quru sərhədlərin açılması nəinki zərurətdir, həm də vacibdir”.
Deputat bildirdi ki, Türkiyədə təhsil alanlar kasıb təbəqədir:
“Bu yaxınlarda təklif etmişdim ki, ümumiyyətlə Azərbaycanın tələbələrlə quru sərhədlər ilə bağlı ayrıca bir müddəa olmalı idi. Onlar üçün şərait yaradılsın ki, quru sərhəddindən istifadə edib gedib-gələ bilsinlər. Biz onları dövlət olaraq təhsil almağa göndərmişik. Tləbələr də təhsil alıb, Azərbaycana geri dönəcəklər. Orada təhsil alanların bir çoxu kasıb uşaqlardır. Onlar 1500-2000 verib təyyarə biletini necə alsınlar? Buna görə də quru sərhədlərinin onlar üçün ən azından sadələşdirilmiş variantda açılması lazımdır ki, onlar da əziyyət çəkmədən təhsil alıb gələ bilsinlər”.
Razi Nurullayev qeyd etdi ki, sərhədlər tezliklə açıla bilər:
“O baxımdan düşünürəm ki, AZAL-la, təyyarə biletləri ilə bağlı çox ciddi bir araşdırma aparılıb, qərar qəbul olunmalıdır. İkincisi də quru sərhədləri maksimum dərəcədə tez açılmalıdır. Artıpq pandemiya qaydaları yumşaldılıb, bütün dünya da sərhədlərini açır. Yalnız biz bunu bağlı saxlayırıq. Ümid edirəm ki, iyulun ilk 10 günlüyündə sərhədlər açılar”.
Zərif Ülvizadə
Medianews.az
