Rusiyanın Ukraynaya hücumları davam edərkən, Rusiya Müdafiə Nazirliyinin sözçüsü İqor Konaşenkov NATO ölkələrinin Ukraynaya göndərdiyi silahların saxlandığı anbarın hədəf alındığını açıqlayıb.
Medianews.az xəbər verir ki, Konaşenkov, “NATO ölkələri tərəfindən Ukraynaya verilən xarici silahların, o cümlədən yüksək dəqiqliyə malik uzaqmənzilli “Kalibr” raketi və 155 mm-lik M777 haubitsalarının olduğu sursat anbarı Lvov vilayətinin Zoloçiv kəndi yaxınlığında məhv edilib.
Ukrayna Hərbi Hava Qüvvələrinin Nikolayev vilayətindəki “Voznesensk” hərbi hava limanında yüksək dəqiqlikli hava bazalı raketlərlə hava elementləri məhv edilib. ABŞ və qərb ölkələri tərəfindən Donbassdakı Ukrayna qrupuna çatdırılan silah və texnika Donetsk Xalq Respublikasının Dnepropetrovsk vilayətinin Pokrovsk və Orlovşçina dəmir yolu stansiyaları ərazilərində məhv edilib.
Konaşenkov Ukrayna döyüş təyyarələri və pilotsuz uçuş aparatlarının da vurulduğunu bildirib.
NATO-nun baş katibi Yens Stoltenberq isə alyans üzvlərinin Ukraynaya ağır silahlar və uzaqmənzilli sistemlər verməyə davam edəcəklərini və NATO sammitində onların Ukraynaya hərtərəfli yardım paketi ilə bağlı razılığa gəlmələrini gözlədiklərini bildirib.
Stoltenberq NATO müdafiə nazirlərinin bu gün başlayacaq iclasından əvvəl deyib: “Biz diqqətimizi dəstəyin artırılmasına yönəltmişik”.
Qeyd edək ki, bu ayın sonunda keçiriləcək sammitdə NATO ölkələrinin dövlət başçıları da bir araya gələcək.
Leyla,
Medianews.az