Ağcabədidə iti gölməçəyə salaraq işgəncə verdilər – VİDEO

Ağcabədi rayonunda itə şiddət göstərilib.

Medianews.az oxu.az-a istinadla xəbər verir ki, bu barədə sosial şəbəkələrdə video yayılıb.

Belə ki, itin boynuna ip bağlanaraq, gölməçədə işgəncə verilib.

Məsələ barədə Daxili İşlər Nazirliyi ilə əlaqə saxladıq.

DİN-in Mətbuat Xidmətinin Bərdə regional qrupunun baş inspektoru, polis baş leytenantı Aslan Qiyaslı bildirib ki, yayılmış videogörüntü ilə əlaqədar Ağcabədi Rayon Polis Şöbəsində müvafiq araşdırmalar aparılır:

“Araşdırmaların nəticəsindən asılı olaraq, məsələyə hüquqi qiymət veriləcək”.