Yay aylarında insanların şikayət etdiyi məsələlərdə biri də günvurmalardır. Yay boyu neçə insanın günvurma nəticəsində xəstəxanaya yerləşdirildiyini eşidirik. İnsanlara maraqlıdır ki, yay boyu insanlar özlərini günvurmalardan necə qoruya bilərlər?
Medianews.az Türkiyə mətbuatına istinadən bildirir ki, gün vurmadan və onun simptomlarından qorunmaq üçün bir çox üsullar mövcuddur. Bu üsullardan bəziləri:
1. Günəşin ən yüksəkdə olduğu günorta vaxtı lazım olmadıqca günəş işığı altında olmayın
2. Xüsusilə günəşin təsirinin hiss olunduğu saatlarda çölə çıxarkən günəş kremi kimi dərini qoruyan məhsullardan istifadə edilməlidir.
3. Xüsusilə baş bölgəsini qorumaq üçün günəşdən qoruyucu vasitələrdən əlavə günəş eynəkləri, papaqlar və çətirlərdən istifadə edilməlidir.
4. Çox isti havalarda ağır idman etməkdən çəkinin.
5. Hər fürsətdə duş alınmalıdır.
6. Günəş işığı altında olan avtomobil kimi qapalı yerlərdə olmayın.
7. Gün ərzində ən az 2-3 litr su və ya maye qəbul edilməlidir.
8. Günəş işığını əks etdirəcək nazikvə açıq rəngli paltarlara üstünlük verilməlidir.
9. Yağlı qidalar yerinə asan həzm olunan qidalar istehlak edilməlidir.
Zərif Ülvizadə
Medianews.az